晨咁早-七點九就要起身，仲早過平時返工‧尋日打wargame既攰都仲未消去，就要掙扎落床，因為車唔等人‧搞下搞下、出左門口‧去到將軍澳就岩岩好八點半‧
到左既時候阿平同埋林樂b都巳經到左，4歲既林lobby巳經負起佢呢一朝既責任-點名同派貼紙，真係一個天生既關懷大使‧
等齊晒全部人，八點九左右終於可以上車，開左車十分鐘左右，幽利姐姐巳經急不及待，問佢最拿手既IQ題，全部係幼稚園程度，包括-馬騮會簡乜野禮物？a.相機 b.LCD電視 c.一層樓
問左幾條經典無聊IQ題，小朋友終於忍唔住，搶住問自己袋左係袋好耐既題目:1/.包公聚左白雪公主，個女叫乜名‧ 2/.要1不要2, 要3不要4, 要東不要西.猜一個字.
去到元朗的一對手農舍，負責人家寶出黎接我地入去‧放低晒d行李，抖左一陣，佢就開始帶小朋友做實驗，試驗化學洗頭水同埋自制肥皂對環境污染的分別，原來化學洗頭水的泡是行難分解，沖落河流對環境造成嚴重污染‧
天然肥皂的發現，原來一開始是由一種天然的種秄發現‧在電視中看見一些婦女在河邊打衫，一直也很奇怪，打衫只會打爛衫，對清潔有乜野作用呢？原來佢地就係打落呢d天然既種秄度，引發一d具清潔作用既泡出黎洗衫，古人真的很聰明‧另外，原來古時拜祭很喜歡以動物作為祭牲，流出來的油，當滴落石灰的時候，成了天然的清潔用膏油，唔怪得‧古時既人鐘意用油膏頭，成為聖潔啦!!
跟手佢就教我地整肥皂，以水加糖及鹽，之後再加哥士的(很危險的過程，因為超強鹼)，再加一d廢油，巳經可以自制肥皂‧整的過程小朋友係咁擁去前面睇，大家都真係有好奇心呢，整既過程係一班小朋友最乖既時間‧
整完肥皂，我地本來唸住一齊去耕田，好難得到大自然，梗係要耕下田啦‧
點知有條眼鏡蛇好唔生性，走左入去耕田範圍，搞到我地都唔可以去果個範圍出入，唯有去第二個田睇下一d植物‧
話時話，原來蛇係呢段時間開始出黎活動，但佢地好怕熱、多人、大型動物，所以有一個工作人員之後帶左隻狼狗去迿攞，嚇下條蛇，等佢唔敢再出黎‧
係田間，家寶教左我地好多植物的作用，有很多天然的方法巳經可以做到好多野，根本唔駛用化學品，例如係屋企，關晒d門，燒少許艾草，巳經可以做到天然的驅蟲作用，根本不需用到對人體有害的化學品‧又例如原來yim茜放係魚度，目的唔係調味，而係驅除海產的水銀，古時的人真的很聰明呢!!!
好快到左午飯時間，天然的食品真的好味百倍，雖然唔係好多餸，但起碼食完之後條利唔會感覺到麻痺‧係自由活動時間，當然係各有各玩啦，其間有一個小朋友唔知點解係咁喊，有個衰daddy呢(其實你估倒係邊個)就係個小朋友面前係咁激佢:喊啦!喊啦~~真係好醜樣呀~越喊越醜樣架啦~~嗱嗱!~係啦，再喊得西利d丫~~好d勒~無咁大聲無咁醜樣咯喎~~之後個小朋友見到佢媽咪，急不及待撲去媽咪度~~~就收左聲勒，其實呢一招都幾有用，各家長不仿試下‧
下午的節目就更加精彩，小朋友係外邊玩完一輪‧我地開始整雪糕‧
大約打十隻雞旦，分開旦黃同旦白，將旦白堆埋一齊，加少許糖，再加一盒cream，再黎就係發下發下既時間!!!!每台有一set的機會‧係仲未黎得切反應既時間，有一台的婆婆巳經發到起泡!!!!巳經完成左，果然係家有一老如有一寶，連打旦機都唔駛買‧
其他組經過一番努力，撈下撈下，可以再加一些食用調味劑，就成為各口味的雪糕‧
佢地各有自己既成果‧完成既時候，嘉寶話，搞惦之後，盆"雪糕"要雪八小時先可以食，見到成班小朋友即扁晒咀!!!但原來佢巳經早有準備，就係之前整落既雪糕!!有咖啡、簿荷，仲有芝麻味添!!
係等既過程，有一個特別環節，事緣有一班第二度黎既小童群益會小朋友都黎一齊整雪糕，係等既過程，咖啡味雪糕"筆"晒，後面有一個小朋友(十二三歲左右啦)就講左句~~嘩，乜無晒咖啡味啦？得返芝麻咋？個衰daddy就話勒:係呀，得返芝麻味咋，你唔食呀~?真係唔食？咁仲好，佢唔食喎，俾多杯我丫!
睇住個小朋友無奈既表情，真係笑到我肚痛~~果然係遇少年殺少年既~~~想當年少年區導師~你係有一套既~~!
食完雪糕之後，我地影完集體相，都差唔多係時候返歸了‧
真係成個人都散晒‧係架車度訓到死左~~~不過得著不少~~~~大自然真係一個大寶藏呢~~~雖然有蛇蟲鼠蟻，但神都留左好多天敵俾人類對付佢地!
期待五月九日愛丁堡營
萬分期待五月十七號行山團(有興趣既話，同我聯絡)
沒有留言 :
發佈留言