家有一老

今天很特別，同一個婆婆傾左好耐計‧
佢既人生經歷真係傳奇，仔女有好幾個都係畫家，而且係世界不同地方落地生根‧自己經歷盲婚啞嫁，家族又經歷文革的洗禮‧講起果陣點樣批鬥ｄ大地主，被迫去勞改，又點樣唔俾ｄ人讀書，只可以讀到小學，生活又鞎苦，生意又唔俾做，真係淒涼‧

佢仲同我傾愛情，佢覺得一個女仔靚唔靚唔係最重要，最重要既係佢既心地‧
同時間又讚阿寶，當然我覺得阿寶兩樣都好‧
佢舉左個例，佢有一個親人，係男仔黎既，有一次佢同個女仔搭地鐵，當時人好多，佢地好彩一早搵埋個靚位坐，到其中一個站既時候，見到有個年老既婆婆上左車，個男仔就好主動咁打算企起身讓坐俾呢個老人家，點知係呢個時候，個女仔拉住佢唔俾佢咁做不特止，仲講左句：『我地定家無買飛呀？駛乜讓個位俾個老野呀？』嘩！！咁都講得出，個男仔即刻就同個女仔講分手‧個女仔咁樣話ｄ老人家，第時對個男仔既父母咪一樣可以係咁？當佢對個男仔無晒感情既時候，情況仲難以想像‧

婆婆話，拍拖唔只係剩係開心，而係呢個時間可以細心睇清楚對方既人品，始終係相處一世架，唔睇清楚點得‧相對係身邊既朋友，有ｄ拍左拖之後，唔單止係屋企成日唔見人，就算同朋友出街既時間都少左，仲話拍拖係兩個人既自由，屋企唔駛理咁多咁話，真係唸法好唔同‧

其實拍拖真係唔單只有行街睇戲食飯，唔只有這些開心，仲需要細心觀察，觀察佢既言行舉此有乜野你係接受唔到既呢？佢既情緒又係點既呢？健談？悶死？
如果果個仔係衰既，就算係一個點叻既人，佢係人前做功夫做得更出色，總會有表現真我既一面‧之前識得一個女仔，佢男朋友係佢親人同朋友面前就表現到好紳士，又夾餸俾佢食時，又噓寒問暖，直頭一個廿四考男友一樣‧點知問落既時間先知，原來係只得兩個人相處既時間，就完全係另一回事‧

而有幾個男性既友人，係我眼中係完美既好男人，分別識左個女仔，係拍拖相處既初段，都未完全了解對方，又或者明知自己其實不太鐘意對方，因為個女仔又唔介意，就開始左個女仔去男仔屋企訓既日子‧好不幸地，意外懷孕，先認真唸清楚自己係咪想同佢一生一世，結果，由於佢係好男人既關係，唔想叫個女仔落左佢‧唯有奉旨成婚，結果到宜家同佢傾計，佢都悔不當初‧

婚前的性，真的害人不淺，還未計對小孩子的影響‧

好多人對拍拖有好多唔同既睇法，有ｄ認為為左開心巳經足夠，有ｄ覺得係邁向結婚既過程‧
我相信係視乎每一個人對婚姻既信任程度，係呢度我只係想講我既睇法‧

早前同一個中學朋友分享佢既感情問題，男朋友對佢既態度，令佢好傷心，因為每一次都係呼之則來揮之則去‧而當我問清楚，原來佢唸住拍拖既目的都係為左結婚既，而佢都知道個男仔既歷史，每一次分手都係因為第三者既介入‧佢甚至知道個男仔未必唸住同佢結婚，唯一可能係奉旨成婚‧但因為佢巳經投入左入去，只會係個男仔同佢講分手，佢自己做唔到‧真的嗎？女仔既世界，我真係唔太了解‧

仲記得以前既時間，會有一ｄ男仔會周圍去唔同ｆｏｒｍ，唔同班追女仔，有一次，有一個同學，巳經唔記得左係邊個，係眾男仔面前話自己追過幾多個幾多個女仔，都成功，岩岩就識左個低一ｆｏｒｍ既靚女‧過左一個月左右，傳佢地分左手喎‧點解呀？傳下傳下至知，原來因為搞大左人地個肚，俾左墮胎的錢後便分手了‧聽聞之後還努力去追班中的其他女仔呢‧

奇怪在，佢地會為有幾多個女朋友，甚至幾早失身為傲，卻不會以有多少個阿媽，搞大左幾多個女仔既肚為自豪‧

婚前的性，真的害人不淺，對那些墮胎的女孩，是一生的心靈創傷‧
可能你覺得我太保守，但作為男仔我知道這些引誘有幾恐怖，這些後果有幾嚴重‧

這些男孩子不會為身邊的妳去設想，有３０個女朋友，是他們的自豪，是他們的驕人成就，妳只是他的其中之‧他們習慣把女仔當成了貨物，你往往會發現他們很少跟妳去溝通心中的情緒感受，更惶論去讓妳去認識真正的他‧妳別妄想人會跟一件衣服去談心，衣服著舊了便去換新，別妄想我去改變，他們的戀愛觀正是這樣‧
在他還未得到妳時，他會向你撒嬌要求更多；而現在，他會客氣地叫妳不用再遷就他‧
又或者你可想像他是天龍八部中的段王爺，是真心去愛每一個女孩子，但我不會想成為刀白鳯‧當有一個好識ｌｕｍ女既男仔追妳既時候，妳就要小心ｄ啦～



愛情好像種秄，只會落係合適既土壤當中‧上帝會為你去預備命中註定的另一半？別計溜了當中要包含你們雙方的耐心經營‧係未搵倒命中註定既佢既時間，便努力預備自己，搵一下合適既土壤同配合條件，並搵岩地方‧如果你想搵結緍對像既時間，段估唔會係去蘭桂坊搵掛‧

你要清楚你既目的，同埋你到底搵緊既係乜野人，只要有清析既目標，就算係廣大既森林，你都能夠搵得見，否則便會有眾裏尋他千百度,到老時驀然回首,那人卻在四十年前的燈火闌珊處的唏噓‧