BB手語

話說，早排有經驗的傳道媽媽提議我地教思予BB手語，她的提議，我們當然躍躍欲試。

由半歲開始，我開始察覺，半歲人仔已經漸漸懂得大人所說的話。同時，她的情緒，亦隨著她日漸長大，慢慢變得豐富起來。忟憎的情緒，照常理解，是因為我們未能準確把握她的基本需要。

今朝起身，照常由亞李爸爸逗思予上廁所，我口中嚷著：「思予，爸爸帶妳上廁所啦。」不如以往，抱她上廁板的過程不太順利，她硬著身子(伸直個人)，不讓我順利放她上廁板。然後，個樣嬲爆爆咁，口中唸唸有詞：「呀、呀、啊、啊！」我嚐試問佢：「係咪唔想去廁所呀？」無反應。我再問佢：「係咪好熱呀？」無反應，繼續EE 哎哎。然後，我再問：「係咪肚仔餓呀？」我察覺佢點一點頭，表情漸變返正常。我嚐試教佢：「妳有乜野需要，要同爸爸媽媽講，我地先知架嘛，下次如果妳覺得肚仔餓，可以摸下個肚仔。」

(之後我唸返，摸肚仔點分倒肚仔餓，同去廁所呢？唉....呢個阿爸真係~)去完廁所，帶佢返到去予娘身邊開餐，開始笑返.....

亞李爸爸：「老婆，我唸我地都係時候教思予BB手語啦~，頭先佢咁......咁.......咁........」
予娘：「我一早就有教下佢架啦。」

予娘：「要持之以恒咁教，教佢基本先囉，食飽、肚餓、上廁所.....」

亞李爸爸....幾時都話，都是恩典....

：「係咪唔想去廁所呀？」