移加已3星期，踏進第4星期💪🏻💪🏻
時差已適應，生活節奏都調節中，慢慢來係必須嘅，一個上午做一件事就好了。
家姐弟弟已返學2星期，家姐好享受校園生活😙，每日都帶著一份輕鬆愉快去返學；而弟弟，佢唔開心☹️，仍有份焦慮，又未識到新朋友，因為聽唔明白、未能完整表達，每天回家都會講掛住宣基。不過老師好有耐心，好鼓勵，會讓佢慢慢講、慢慢問佢，而我哋就只好每天早上提弟弟帶埋耶穌去返學，因為耶穌好叻可以聽得明曬所有國家嘅語言😝，弟弟心態又會慢慢好一啲好一啲。
而大人👩🏻👨🏻，有日去左North York(將來住嘅家）清潔同添置新傢俬，靜待船運，感謝Angela姊妹嘅幫忙車出車入。10/5係弟弟7歲生日，佢當日就少少唔舒服同扭唔想返學，本來已上學的他都要早退，然後陪大人去超市揀蛋糕閒逛，夜晚過佢第一個🇨🇦加拿大式7歲嘅生日會。又另一日👩🏻👨🏻去考車嘅筆試（G1），一直認為唔會揸車嘅我都係要去考，因為呢邊嘅G1牌=身份證一樣，感恩一take pass。
其實呢3個星期日日都好充實但其實又好似有啲舒適、悠閑，或者呢個就係加拿大style生活啦！😎😜
每當抬頭看到遼闊嘅天空，都禁不住讚歎天父創造真奇妙🌅！
縱然心情難免會有起伏😁😣，我會掛念香港家人、精彩的生活圈子，也要面對嘈吵常爭執嘅姊弟，要安撫、引導常想念香港的弟弟，但每當心情有點沉重，神都用一啲方法話我知一直都在，也話我知要做啲嘢嘅。
咁咪又繼續行，繼續期待神工作啦！
#漂流就是有高有低
#家姐好適應呢邊生活同學習
#弟弟成日叫要返香港
#一個有朋友一個無朋友咪有分別囉
#路是難走都繼續行啦
#有神帶住嘅
#咁應境點敢無信心
沒有留言 :
發佈留言