🔸加拿大經歷21世紀最嚴重嘅山火，至今仍未救熄，嚴重影響空氣質素，上星期三、四仲周圍都有BBQ味咁，差到政府唔建議啲人長時間在外活動，如需要要戴N95。雖落過下雨，風吹散，但仍未救熄😢😢😢🙏🙏🙏
上星期李生病左幾日，臥床幾天後咳咳咳咳咳😷😷😷！跟住就係本身約好船運星期三收家當，咁就計劃當日一次過做盡曬啲嘢，1️⃣收埋教會一家庭捐嘅傢俬，2️⃣收新買嘅床褥、3️⃣留耐少少執下屋，誰知當日condo 嘅電力臨時因跳掣壞左，家當又要改期，好掛住自己啲家當😢。👉🏻再一次體驗在加拿大生活還是一天做一件事就好了🤦🏻♀️。
而天父又再次畀我地經歷好特別嘅供應：
🌟話說有日思予講好想飲柚子蜜，咁就等等等，等到超市特價先去買啦，然後一天有位姨姨送上一大箱物資，入面有一樽柚子蜜🤩，多謝天父🙌🏻；
🌟又話說下星期就係端午節，由細到大都食慣左媽咪自家包嘅糭，今年第一次無得食😢，但好特別地之前已有人送上現成外，前幾日收到呢邊一位姨姨自己包嘅糭，當然同一貫食嘅味道不同，但也是用心製作嘅味道呢☺️！
🌟份工正式收到employment letter，簽埋合約喇，4/7開工喇！🥳🥳🥳同日收埋張駕駛執照🪪（即係身份證咁嘅功用），我唔明點解張張證件嘅相都係咁樣衰😝😝。
🌟對於新移民，認識社區與人係非常重要，而「識人好過識字」呢樣文化比香港更用得著，感恩天父預備好多天使係李家身邊啦！再次、又再次不停地感恩😊😊😊👏🏻👏🏻👏🏻
🌟歷時三個月，等了又等嘅家當終於星期五到步喇，收到、拆開一啲自己嘅物品時係安心同愉悅嘅😍🤩
有朝早，被天使叔叔邀請去佢家幫佢打理花園：「gain the Canadian experience」，李生學左用剪草機同鋸樹、我就除雜草，當我一邊除草、剪花時發現生命：
🌈雜草啲根好淺、一拔就出，又因好粗生，生到周圍都係。其實我地生命係雜草定在花園嘅植物？雜草有啲花其實都幾靚架，唔識嘅話仲以為佢都係花園一部分，不過真正嘅園丁就識分囉。啲植物係園丁悉心栽種嘅、雜草係要被除去，咁啲植物先會「出眾」地生長，唔會比雜草搶養分、搶埋fo喇！咁我一邊除草一邊同神講，千祈唔好比我做雜草，以免有日無啦啦被剪除。亦畀我有智慧識分辨別雜草同植物，以免我當雜草係真嘢，認錯左真理。
喺加拿大，因為多元&包容，好多嘢公開場合都唔會好明白咁表明，但正因為唔會表明，好多嘢都似是而非，咁小朋友所面對嘅社會、待人接物就變得模糊，真理嘅教導真係好需要。就連大人自己係真理上如何站穩都好重要，好值得多思考&尋問。
不過重要係發現自己嘅心思，以免被世界（雜草）誤導，偏離真理啦！
呢幾日，聽左首新歌《好好掛住》
掛念係向前行嘅動力，有啲嘢唔能夠忘記也不可以忘記，想念、掛住就能將之化為動力、變成生命繼續走下去😊
https://youtu.be/Qm7d43O8hQ4
#移加發生好多事
#總有好總有唔好
#雜草中發現生命
#神是李的供應者
#萬事萬物看見主
#掛住香港嘅大家
#不要忘記
沒有留言 :
發佈留言