李移加漂流#8 【寶】

移加2個月，轉眼也來到2023的下半年，好快就會展開另一頁新頁喇！🥳🥳

7月是我返新工開始

7月也是新居、自己一家的新開始🙌🏻

真係既緊張又有一啲期待新嘅事會發生🫶🏻

由到埗到6月底，若要數算，盡都是神恩典與預備。預備非常好姊妹Lisa讓我地一家暫住去過渡、適應、融入新生活；又經歷了奇妙嘅搵工之旅；亦預備一間同生命頌有啲似嘅教會讓我投入；預備好多人和事都叫我禁不住驚訝神對我一家嘅看顧與恩寵；而且天父看顧得真係好細微，連生活小事都會看顧，免卻了我哋移加對生活嘅擔憂。

2個月李家適應：

👧🏻：最快適應嗰位，最快有朋友（因為與朋友同住），連濕疹都係最快無埋。當然佢都超級掛住香港嘅家人、朋友、教會，不過係節奏、學習環境好合適👧🏻，移加整體係超開心。呢邊小學grade 4要學法文，都不得了喇！又再重拾體操的學習，好有滿足感呢！

👦🏻：「媽媽，我諗我已經適應左加拿大生活，不過我都係掛住香港多啲，鍾意香港多啲。」當弟弟自己分享呢句時，我都鼻酸酸、幾感動😢。加拿大確實合適孩子成長嘅地方，但生活也不容易去適應，但7歲嘅👦🏻確實係一個有情有義嘅孩子，點樣先令佢可以講得出呢句說話？一啲都不簡單😇。

人生第一次參加跆拳道生日會，最威係弟弟啦🤩，唔夠2個月就被邀請去生日會。

👨🏻：慢活的李也很享受加拿大慢步伐生活😎。這2個月唔使返工，唔使煮飯，只帶👧🏻👦🏻返學，閒來看書、睇片、認識下新朋友，好似退休咁、「歎世界」一樣。不過7月開始就1打2，唔知會係點啦🤪。

👩🏻：呢邊生活係好舒適、生活能因應自己步伐調節、天空廣闊咗、地方大咗、接觸嘅人和事都多元、多文化咗。只係會牽掛香港嘅家人朋友，「每逢佳節陪思親」都係真實嘅，有時好享受當下🤩，又有時心情好似有個窿咁🫥。因為家姐要學法文，伴讀書僮的我都好奇跟個app學法文，真心諗「我學緊啲乜？」😥🫣🫣🫣

➿➿➿➿➿➿➿➿➿➿➿➿

最近同李生完成追劇《回到18歲》&《壞媽媽》，唔錯唔錯，除左李到晛😙入屋外，成套劇都幾溫暖嘅劇情，有關親情、愛情、夢想和生活種種，以為失去一些但另一廂又得到一些，人生就是不同的取捨，好好珍惜擁有啊！💗💗

#移加漂流2個月喇

#各有各適應

#家姐重拾體操

#弟弟被邀參加隔離班同學嘅生日會

#李爸爸又大一歲

#是週約了好一些朋友

#點解韓劇劇情咁細膩