執玩具

教導女兒，自己的事自己做，從小開始。

自己穿鞋，暫時年幼不懂，替她套上鞋子後，叫她學習貼上魔術貼，貼得東倒西歪，也由著它，因這是她一手一腳完成的。試了幾次後，每次叫着：「出街啦！」，她便會自動自覺走到門口，坐在小椅子上，抓著小鞋子，努力套上(但套不準)，弄了好一會，等待我們協助，然後出街。

太太教導女兒，玩完玩具後要自己收拾。

前天晚上，吃過飯後，女兒照樣在玩具櫃拿了玩具出來，玩了一會。到接近睡覺時間，我本打算抱女兒到床上睡覺，太太提示：「叫佢執好玩具先訓啦。」我便帶女兒到玩具前邊，示範應該如何收拾，叫她去做，然後自己去廁所刷牙。

正刷著牙，忽然感到思予進到廁所，還抱著我的腿，咦咦呀呀。心中即時想到：「叫左妳執玩具又唔執？咁唔聽話？！」便立即裝著嚴父的樣子，怒罵：「仲乜唔聽話？！叫左妳要執返d玩具架嘛！」叫她出外繼續執玩具，又立即心想：「開始越大越唔聽話，之後點教佢好呢？！」

刷完牙，發現女兒與予娘正在客廳，予娘正叫思予遞一件又一件玩具給她，然後幫她放回原位。我便靜了下來，細心觀察，心中像忽然明白了甚麼。

女兒乖乖睡後，予娘臨睡前，跟我說：「佢頭先去搵你，係想你陪佢一齊執玩具呢。」聽後，我內心忽然感到很重的歉疚，原來是我誤解了女兒呢......還以為自己是嚴父....原來，我根本沒靜下來聽聽女兒的心聲素求...只看到事情的表面，我...如何做個好爸爸呢？

第二朝，思予醒後，我在她耳邊輕聲說：「思予，對唔住呀，尋晚爸爸誤會左妳，請妳原諒我好嗎？鍚啖爸爸啦。」然後她一如往常，向我臉旁一吻。昨晚的事，她像已不放在心上。

女兒，對不起呢，爸爸以後會給妳更多耐性，與妳一起成長呢....

亞李爸爸