施約近日常會問我們會唔會好快死，與他對話是需要頗多思考，其中一晚陪瞓時嘅對話係咁嘅…
：你同爸爸會唔會好快死？
：希望唔會啦，我都想幫你湊你個仔㗎！：咁我梗係想我死先啦，我死先，爸爸仲會如常生活到。如爸爸死先，我就生活唔到喇！突然轉了個身無再回應，仲以為佢瞓著左，咁就look下電話，誰知1分鐘左右聽到鼻涕聲，原來弟弟自己擰轉頭自己流淚，問佢咩事喊…：我驚你或者爸爸會死，我都唔知點算。我其實好驚我識嘅人死，我諗我會日日夜夜都會喊，我唔想我識嘅人死。：我都係好怕身邊嘅人死喎，不過我都學習緊去面對死亡呀。我都會掛住死左嘅婆婆而喊呀！不過有時死左嘅人就會住係我地心裡面陪住你囉，咁你就會將佢教過、講過嘅嘢記住，做返出嚟囉。：係咪好似空氣人咁係隔離架？咁又係咪會係天堂度望住我哋？：可能啦….好似大太太咁，佢死左啱啱13年喇，係1月份，我都會掛住佢，有時都記起佢講嘅嘢：好彩大太太死時我未出世，唔係我喊死（講講下，弟弟眼淚收起了，但我嘅眼淚流下來了
）
）對話持續了20分鐘，死亡確實很難面對，也需要用很多時間、心力去面對。不過當知道我地所相信嘅耶穌是已勝死亡嘅主，咁生命就會就有力繼續前行，而我們所愛嘅人嘅生命力也遺留在我們心中伴我同行。
沒有留言 :
發佈留言