李移加漂流#10［寶］

移加3個月，返左工一個月，今星期出糧喇🤩收到糧有一刻興奮但同時又有一份失落，因原本唔高人工嘅都無左一大截交左稅。不過呢一個月工作都係很多感恩嘅事，可能係西人公司，文化、制度同環境都幾唔錯㗎，工作期間有2次休息時間，雖然食飯唔計鐘，不過準時返工準時放工。夏天時仲會調整一啲時間令星期五可以放半日。加上係基督教機構，每星期仲有員工分享&祈禱。

今星期有同事分享佢係非洲某點對當地小朋友(其實由幾歲到十幾歲都有）做嘅工作，其實主要好似Smart Kids/ Jpower咁，用遊戲方式去讓小朋友感到被愛，看見自己&在神眼中嘅可能性。特別呢班群體係身體有缺陷、生活艱難嘅家庭，當見到相片/影片分享”I am able”、佢地生命再次看見盼望與出路時特別感動🥲

💓💓無錯，在神手中確係有好多可能性💓💓

外國月亮實在係唔係特別圓，亦唔覺得生活特別易過，樣樣嘢仲要又貴又唔靚，出左糧都唔想買禮物畀自己😞。

不過好寶貴嘅係呢邊真係好多元，而呢邊文化總容易接納「做錯事」，令你可以去嘗試、去挑戰，從錯誤中學習。

🔸就好似個香港人移民政策，早2日話香港人無左優先審批，轉頭第2日又講「原來擺烏龍」

🔸呢邊巴士（大街嘅車—即係密班次）都唔多可靠，有時寫4:16到，有時4:10已到仲走埋、又可以4:26都未到，想趕及要轉車嘅就真係激死都唔會啱時間，如果係僻啲、無咁旺嘅街都唔知點算😰😰😰

🔸早2日同事放產假last day，上司請大家飲嘢（珍奶），因為嗰間鋪太忙又太多order，十幾杯飲品錯左一杯，同事會吐一口氣然後接受呢種「錯誤」（不過上一代嘅外國人都唔係太鍾意飲呢啲嘢🤪）。

有時諗如果係香港，被投訴、鬧到七彩😣

每樣嘢都總有好/唔好2面，人都總會喜歡揀一邊睇，如何係當中搵到平衡點？真係需要智慧。好似弟弟口口聲聲話唔識英文，但佢自己穿左條手鏈畀婆婆，仲係自己串啲字出嚟，係返學嘅奇妙&功效，不過見到佢咁記掛家人係窩心嘅。

今日推介《何處是吾家》，除左一解念香港之情也是再提醒我家在哪兒、對家的期待又是甚麼？

#李移加漂流日記

#第一次出外幣糧

#咪又係咁

#教會LegoNight

#網球王子重上球場