下半年（7月）開始亦係一家人新生活正式開始，新居、新地方、新角色協調、新工作。
4/7我第一日返工，直至今天，暫時一切比想像中易適應，工時v nice（由出門到回到家約9.5-10小時），夏天嘅星期五仲放半日，同事好welcome我，工作性質係我好少接觸嘅嘅嘢，工作就簡單嘅，但步驟好仔細同要好準確，所以要好專心，亦係我無乜接觸過嘅領域嘅，可謂發展新領域呀😝。
而其實聽講英文都要時間去完全明晒，佢地講每隻字我都明，但就有時完全load唔到佢地講緊乜😝😝😝😝，仲有啲工作嘅用詞真係唔知係乜。正因為西人公司，係咁叫我問，叫我唔怕錯，好接受到我呢個新丁做錯嘢同唔明白，佢地會好用心去解釋嘅，同係基督教背景，所以會分享信仰、會祈禱、會鼓勵都令整個氣氛舒服同正面呀🫶🏻，不過壓力都總有嘅，但慢慢適應啦。
講完我新工，就到李生新角色—全職爸爸👨🏻，要接送👧🏻👦🏻、要做家務（暫時都係執拾好船運）、要煮飯啦！體驗了一星期有多，李生廚藝大爆發，除左youtube犀利之外相信都係李爸爸太勁，無乜嘢會難到佢囉😎😎😎😎！不過我諗呢邊嘅生活消費都需要2公婆工作先維持到，生活指數真係貴嘅，仲加上我地收入係「新移民」（由頭做起），所以生活都不容易呀！多倫多樓價可媲美香港🥶🥶🥶🥶🥶🥶
👧🏻👦🏻就7月開始放暑假，除左報左2間教會（各1星期）嘅VBS（好似返學全日嘅）外，話咁快就完咗一個，呢個星期👧🏻👦🏻返到屋企不停唱學咗嘅詩歌就無乜嘢做啦😄😄😄，但換來好多閒時去玩下棋、寫下字、睇吓電視、抄下金句咁🫣🫣🫣🫣。
暫時新轉變也是正面，期待繼續😎🫶🏻
🇨🇦加拿大購物體驗：
話說上年black Friday（10-11月）托朋友買左個instant pot，到搬左自己一家人住時先拎番，點知一拆箱，個煲殼好似撞貨車咁凹咗😵，離奇嘅係內胆同個紙箱都完好無缺，心諗唔通要用錢再買過？咁就send email去問下相隔大半年有冇得換，誰知佢會再寄個個新畀我哋。
所以呢個幾星期每餐都係食麵類、麵包類，等左一星期有多，終於有煲用喇。原來我都好要「米氣」嘅😂😂😂😂
〰️〰️〰️〰️〰️〰️〰️〰️〰️〰️〰️〰️〰️〰️〰️
👧🏻👦🏻返左一星期vbs被幾首詩歌洗腦，回家日日唱外仲洗埋我腦，但又真係好入心💗💗。
我哋係小羊，要跟住牧羊人，每天留心良心對我哋嘅說話就知當行嘅路😄預備進入神畀我哋嘅應許地🤨
《Listen conscience》
https://youtu.be/LXEaBR3uYR8
《小羊跟著牧羊人》
https://youtu.be/jme5UUgl1T0
《heading for the promised land》
https://youtu.be/n6TlRIGZDfw
#移加漂流之新生活
#返工生活
#全職阿李爸爸
#暑假開始咗2星期
沒有留言 :
發佈留言